[i569]
DE LA VILLE DE PARfS.
137
Dixiniers. Pour l'eslection d'ung Quartenier est mandé par Messieurs les Prevost des Marchans et Eschevins aux Cinquanteniers et Dixiniers de ap­peller en chascune Dixaine quatre des plus notables bourgeois, soient officiers du Roy, bourgeoys et mar­chans que y se trouveront, lesquelz quatre bour­geoys sont esleuz par lesd. Quarteniers et Dixiniers, leurs noms escriptz et apportez en l'Hostel de la Ville cloz et scellé, signez de ceulx qui les auront esleus. « Au jour et heure assignée, Mess™ de la Ville font ouverture desd, eslections de bourgeoys, font escrire par le Greffier de lad. Ville lesd, quatre nons desd, quatre esleuz en quatre billetz de papier, lesquelz sont ployez et mis en ung Chappeau. Ce faict, le Dixinier en prend deulx dud. Chappeau, qui sont derechef escriptz avecq le nom du Dixinier, et aussi l'un après l'autre. Puis sont appellez separement pour faire le serment de eslire en leurs consciences ung Quartenier le plus seuffisant qu'il sçauront aud. Quartier. Et celluy qui aura le plus de voix sera receu au serment de Quartenier, lequel Quartenier aura la charge des clefz d'une porte de lad. Ville pour faire ouvrir et fermer aux heures acoustumées. Lesd. Quarteniers n'ont nulz gaiges, mais sont pre-villegez du vin de leur creu, du guet ct aultres petitz previlleiges, avecq ce qu'ilz ont de veoix à l'eslection d'ung Prevost des Marchans et Eschevins à assister aux assemblées de Ville, quant il y sont mandez. Les Cinquanteniers et Dixiniers font serment de obeyr à leur Quartenier, et est chef des habitans de son quartier soubz Mess™ dela Ville, en ce que conserne la bourgeoisye et le faict de la garde de son quartier.
La MANIERE DE ESLIRE DES CAPPITAINES EN CHASCUNE DlXAlNE.
« Quant il a esté question de eslire des cappitaines en chascune Dixaine des quartiers de Paris, ont esté expédiez mandemens aux seize Quarteniers de la Ville pour assembler leurs Cinquanteniers et Dixi­niers en son logis, ausquelz ilz ont commandé à chascun Dixinier de assembler toutes les personnes
habitans en leurs Dixaines, tant proprietaires des maisons que locataires ct chamberlans, et qu'ilz eussent à eslire chascun en leur Dixaine ung cappi­taine et ung lieutenant, et enjoindre à tous lesd, habitans de eulx guarnir et fournir d'armes, soyt corcelletz, morions, harquebuzes,picques, manches de maille, pour faire la monstre en armes troys jours après.
"Après lesd, eslections faictes desd, cappitaines et lieutenans, sont tenuz de venir pardcyant Mess" les Prevost des Marchans et Eschevins faire le ser­ment, et icelluy enregistré, led. serment faict, les cappitaines ont la puissance avec les habitans de la Dixaine de cheoisir ung porte ensigne, ung caporal et ung sergent de bande.
"Chascun Quartenier en son tour signiffié ou en­voyé signiffier par ses Dixiniers ausd. Cappitaines d'aller par tout garder les portes de ville, et aussi d'aller chascun en son tour faire le guet dc nuict, la sentinelle, de sorte que de jour et de nuict la Ville est gardée en armes, et ne sçauroict-on aller la nuit par la Ville qu'on ne trouve en chascun coing de rue cinquante hommes armez pour le moings, et ne doict nul aller s'il ne sçaict le mot du guet, aultrement seroict mené prisonnier.
"Le mot du guet se baille par monsr le Lieutenanl du Roy à Paris aux quatre cappitaines seullement, telz qu'il luy plaise eslire, l'un de là les pontz, l'autre en la Citté, l'autre aux Halles ct Greve, et sont tenuz tous les cappitaines ou leurs lieutenans aller querir le mot du guet ausd, quatre cappitaines, tellement qu'il n'y a que ung mot du guet en toute la ville de Paris.
«S'il venoict quelque esmotion en l'un des endroict/, de lad. Ville, et qu'on sonnast le toxain par les par­roisses, en une heure on trouverroict en armes par toutes les rues de lad. Ville environ cinquante mil hommes armez pour eulx emploier à soustenir la de­vise entienne escripte sur le viel bastiment de l'Hos­tel de lad. Ville, c'est assavoir: Ung Dieu, ung Roy, une foy, une loy t1', n
CCXVII. — [Sergent à verge condempné à faire amende honorable.]
11 septembre 1562. (Z 6826, fol. 6 r°.)
Du vendredy, xie jour de Septembre mil vc lxii. Au jour d'uy, pour ce que en noz presences, estans à la porte SainctDenispourla visitation d'icelle, avons
veu ung nommé Guillaume Du Boys, sergent à verge, lequel a prins et arresté ung jeune garson de village qui voulloit entrer en lad. Ville et portoit dedans
O) Cette devise, mentionnée dans le discours adressé en juin 15/19 à Henri II par Claude Guyot, Prévôt des Marchands, se rencontre encore comme légende d'un jeton de l'année i58i et en tète du plan de Quesnel. (Les Armoiries de Paris, t. I, p. 181, 187.)